Суулгац

Суулгац

Өндгөвчөөс ялгардаг шар биеийн даавар агуулсан 2 ширхэг чүдэнзний модны хэмжээтэй уян зөөлөн эдээр хийгдсэн хамгаалах хэрэглэл юм.

Үр дүн: 99,7%

• Суулгацыг эмэгтэйн бугалганы арьсан доор жижиг мэс ажилбар хийж суулгаж өгдөг.
• Шар биеийн даавар нь өндгөвчөөс өндгөн эс ялгарах явцыг саатуулж, умайн хүзүүний салиаг өтгөрүүлж эр бэлгийн эс умайд орохыг саатуулах замаар жирэмслэхээс хамгаалдаг.

Үйлчлэх хугацаа

• Суулгац нь 3 жилийн хугацаатай жирэмсэнээс хамгаалдаг.
• Суулгацны хугацаа дууссаны дараа дараагийн шинэ суулгацыг үргэлжлүүлэн шууд хэрэглэж болно.
• Цэвэршилтийн нас хүртэл хэрэглэж болно.

Давуу тал:

• Аюулгүй.
• Өндөр үр дүнтэй.
• Удаан хугацааны үйлчилгээтэй.
• Бэлгийн харилцаанд саад болохгүй.
• Суулгац авсны дараа 24 цаг дотор жирэмслэх чадвар сэргэнэ.
• Биений юмны аль ч үед тавиулж болох боловч биений юмны 1-5 дахь өдөр тавиулбал илүү тохиромжтой.
• Нөхөн үржихүйн насны урт хугацааны арга хэрэглэхийг хүссэн бүх насны эмэгтэйчүүд хэрэглэж болдог.

Дутагдалтай тал:

• Биений юмны мөчлөгт өөрчлөлт орох (цусархаг ялгадас бага хэмжээгээр гарах эсвэл биений юмны хооронд цус гарах
• Биений юм ирэхгүй байх
• Зарим тохиолдолд толгой өвдөх, эргэх дотор муухайрах гэх мэт шинжүүд илрэх (эмчилгээ шаардахгүйгээр аяндаа зүгээр болно)
• Толгой байнга өвдөх, зүрхний хүнд өвчтэй зүрхний эмчийн хяналтанд байдаг
• Хөлийн гүний венийн судасны тромбозтой хүнд тавихгүй.
• Зарим тохиолдолд жин нэмэх хандлагатай.
• Гаж нөлөө илрэх нь суулгацын үйлчилгээнд нөлөөлөхгүй.

Хэзээ хэрэглэж болох вэ?

• Мэргэжлийн эмчид үзүүлэн жирэмсэн биш гэдэг нь баталгаатай үед биений юмны аль ч үед тавиулж болно.
• Өөрөөрөө болон кесар мэс заслаар төрсний дараа 45 хоноод шууд тавиулж болно. Хөхний сүүний гарцад нөлөөлөхгүй.
• Үр хөндөлт болон зулбалтын дараа шууд тавьж болно.

Ямар эмэгтэйчүүдэд хамгийн тохиромжтой сонголт вэ?

• Удаан хугацаагаар жирэмслэхээс хамгаалах аргыг хэрэглэхийг хүссэн эмэгтэйчүүд
• Хөхүүл эхчүүд
• Умайн хүзүүний гадуур жирэмсэлж байсан эмэгтэйчүүд

Суулгацыг хэрхэн тавих вэ?

• Сургагдсан мэргэжлийн эмч суулгацыг бугалганы арьсан дор хэсгийн мэдээ алдуулах тариа хийсний дараа багахан зүслэг хийж арьсан доор суулгадаг.

Суулгацыг хэзээ авахуулах вэ?

• Та хүссэн цагтаа авхуулж болно.
• Суулганы хугацаа дууссан бол заавал авхуулна.
• Суулгацыг сургагдсан мэргэжлийн эмч жижиг мэс ажилбараар авна.